شبكة الإلحاد العربيُ  

العودة   شبكة الإلحاد العربيُ > مقهى الإلحاد > ساحـة الاعضاء الـعامة ☄

إضافة رد
 
أدوات الموضوع اسلوب عرض الموضوع
قديم 07-02-2016, 11:48 AM haleeim غير متواجد حالياً   رقم الموضوع : [1]
haleeim
عضو برونزي
الصورة الرمزية haleeim
 

haleeim is on a distinguished road
افتراضي اقرا كتابك كفى بنفسك اليوم عليك حسيبا

انا مش داخل ادافع ولا داخل اناظر ولا داخل اتحدى ولا داخل اثبت اى اراء خاصه بى او بغيرى
لاننى مارايته فى حياتى لايجعلنى اثق بااى قناعات داخليه ولا اعلم اين الحقيقه الكامله
ولا احد يعلم اين الحقيقه الكامله
انا داخل علشان ؟؟
انا اصلا مش عارف انا داخل ليه
هو انا اصلا يعنى لو اتكلمت هرتاح
يعنى هو حد ممكن يحل مشاكلى اللى جواى عن طريق الكلام
يعنى اصلا ممكن المشاكل تتحل بكلام
هو ممكن الذكريات تتمسح
مش عارف انا فاقد الامل لاااى حلول
امال انا داخل ليه بضيع وقت اللى بيقرا مثلا - وزمانه بيقول مثلا -- ايه البنى ادم اللى تايهه منه ده ومش فاهم منه اى حاجه


من الاخر

انت عااااااايز ايه
اهو قلت بدل ماقلبى عمال ينازع جوه روحى كاالعاده
اخلى صوابعى تكتب كنوع من التغيير
كل اللى بينازعه قلبى بداخلى
مايلزمنيش حد يرد
مايلزمنيش حد ممكن يشوف الموضوع اصلا ولا لا
لان ده العاده
ان انا بفكر دايما لوحدى
هاقرا عليكم كتابى كما سااقراه فى هذا اليوم الغريب الذى يسمى بيوم القيامه
بدون اى زيادات او نقصان
بكل اخطائى وبكل شى فيه
سااقوم بكتابه اشياء لايعلمها عنى بشر
سااقول مالى وما على

لتبدا مسرحيه هذا المولود الغريب

تقوم الملائكه بشدى وتتطاير الكتب لينزل على كتابى
اقرا كتابك
حاضر


لولولولولولولوى مبروك يانهله ولد
هتسميه ايه ؟؟ عمرو
الله اسم جميل عمرو
يبقى كده عندك عمرو وشريف
ربنا يحميهم ليكى
الله يخليكى
ربنا يخليهم لااابوهم نبيل
كده يبقى شريف اكبر من عمرو بااربع سنين صح
اه صح
بس انا شايفه جوزك انه تعبان شويه اليومين دول
ماله بعد الشر
اه الكبد تعبان عنده خالص


ربنا يشفيه ده انا ماليش حد غيره

ربى انا مش عارف انا بقرا ليه الكلام ده انا مش مستفاد حاجه
انا مالى انا وانا عندى يومين
ممكن اقلب الصفحه
مع بدايه اول ذاكرتى


ثلاثه سنوات كانت عمرى
مع اول الذكريات التى بدات باالحفر بداخل عقلى
ماما بابا فين
ابوك مات
يعنى معتش هشوفه تانى
لا
بس انا كل اصحابى باباهم معاهم اشمعنى انا
وانطلقت بداخلى اول حزن يتسلل بداخل قلبى وبدا يكبر بداخلى حزنى
وخصوصا اننى وجدت عدم الحنان من امى
قاسيه لا يوجد اى لمسه دف او مشاعر تنساب داخل قلبى من قلبها
من طفولتى وانا قلبى مثل الورده اريد فقط من يلمس اوراقها برفق
وبدات معاناتى بدخولى اول يوم الى المدرسه
كنت خائفا لدرجه الموت
اخى الذى يكبرنى دائما ماكان يخوفنى من هذه الابواب التى سوف ستغلق عليك
وسيبدا المدرسون بالضرب والفلكه على رجلك
وجاء هذا اليوم المشئوم
وظللت اصرخ لاننى خائف لاااريد اى تغيير فى حياتى
وانضربت لحد ماقلت كفايه بقى لحد كده
ودخلت المدرسه وانا لم يعد اى دموع لكى تتساقط
وبدا احزانى باافتقادى لااابى تتزايد يوما بعد يوم
لاننى ارى الاباء ياتون لاطفالهم ويلمسونهم ويحضونهم
اين انا من هذا الامر
وماذا اجنيت ذو الطفل الخمس سنوات لكى اعانى من هذا الحرمان
لماذا ياربى تخلق طفل ملى باالاحاسيس والمشاعر وانت تعلم ذلك
وتضعه فى مكان ليتعذب منذ بدايه نشاته ؟؟؟
كنت نفسى اجد هذا الحضن الذى اراه عند خروجى من المدرسه من الاباء فى الخارج
كنت اقف بعيدا وابكى بكاء صامتا على هذا الحرمان بداخلى
ومقابل هذا الحرمان
اما قاسيه ريح عاتيه ليست مثل الامهات ابدا
تجمعت كل قساوه الدنيا بداخلها
وقبل الحكم عليها انتظروا منى اولا قبل الحكم باقى الكلام
دعونى اقلب الصفحه
الصفحه الثانيه
ذهبت للمدرسه كالعاده يوم مثل اى يوم
فى اخر كرسى كانت تجلس فتاه انتقلت حديثا الى مدرستنا ويصادف انها بجانبى
كان يوجد بنات كتير قبل ذلك معنا فى الفصل
ولكن نسمه كانت تختلف
كنت اول مره احس اننى مبسوط واشعر باالارتياح
كنت انظر الى عيناها كان قلبى يرقص طربا
وتبادلنا الضحك ومرت الايام وراها ايام وانا سعيد ونسيت اى احزان بداخلى
نسمه عوضت لى كل شى افتقده فى هذا الوقت
فقط كنت انظر الى عينيها
فى هذا السن لا يعرف الطفل ماهو الجنس ولا يلتفت لاااى غرائز
فقط شعرت هى باالسعاده وشعرت معها بدون اى مصلحه غرائزيه
وقبل نهايه العام والفصل الدراسى اختلفنا سويا لاننى وجدتها تلعب مع احد
الاصدقاء معهم وصابتنى الغيره
لكنه انتهى الفصل الدراسى وكنا مازلنا متخاصمين

وانتهى الفصل الدراسى وانتقلنا
للصف الذى يليه بعد ماالسنه خلصت
واختفت نسمه
الى اين لاااعلم
والدها اخذها الى مدرسه اخرى اين الله اعلم
طيب فى نفس البلده ولا فى بلده اخرى الله اعلم
طيب افتش عنها فى اى مكان اين اجدها ؟
هل خرجت خارج مصر اصلا ام لا ؟ لاااعلم
اصابنى حزن لا يشعر به الا الموتى الذين يقتلون
طعنت فى ابتسامتى وفى ضحكتى
اخذت ابحث عنها
فى كل مكان وفى كل مدرسه
ذهبت الى كل المدارس التى فى محافظتنا وانتظر خروج الجميع من المدرسه
لعل وعسى اجدها او اعثر عليه
ولكن بلا جدوى
استمريت على الحال هكذا لمده اربه سنوات
الى ان انتهت المرحله الابتدائيه ودخلت المرحله الاعداديه
سااقوم فقط بقلب الصفحه
تابعوا معى

انا اقوم بسرد كل شى من الالف للياء بدون اى اكاذيب فقط كتاب مفتوح اقراه
تابعوا معى







  رد مع اقتباس
قديم 07-02-2016, 12:39 PM   رقم الموضوع : [2]
kiran
زائر
 
افتراضي

اوكي ، متاع .



  رد مع اقتباس
قديم 07-02-2016, 02:08 PM الالحادلوجيا غير متواجد حالياً   رقم الموضوع : [3]
الالحادلوجيا
عضو برونزي
 

الالحادلوجيا is on a distinguished road
افتراضي

لحد الأن لم أجد سيئات و لا حسنات لا أعلم النهاية هل ستكون النار أو الجنة ! لكن أول مرة أقرأ سيرة ذاتية بهذا الأسلوب الرائع !



  رد مع اقتباس
قديم 07-02-2016, 02:17 PM   رقم الموضوع : [4]
ساحر القرن الأخير
زائر
 
افتراضي

عزيزي حليم
الحرمان هو مصنع العظماء و الأقوياء
"من طفولتى وانا قلبى مثل الورده اريد فقط من يلمس اوراقها برفق"
ما هذا التعبير الشاعري البلاغي ؟ بل هذه قمة البلاغة والشاعرية
أحييك على رغبتك في التعري أمام الآخر بشكل كامل
لكنني لا أشجعك على هذا الأمر
ستحس باحساس مقيت بعد أن تجد أن الآخر لم يكن يستحق أن تتعرى أمامه
ثم ان أسرارك هي منبع قوتك وما يميزك عن الآخر ويجعل منك أنت ما أنت عليه
فاحفظها كجواهر في صندوقك الذي تفتحه بين الفينة والأخرى لتسترق نظرة اليها واحذر من أين يطلع عليها من يخدش لمعانها



  رد مع اقتباس
قديم 07-02-2016, 03:09 PM الوليد غير متواجد حالياً   رقم الموضوع : [5]
الوليد
عضو برونزي
الصورة الرمزية الوليد
 

الوليد is an unknown quantity at this point
افتراضي

اقتباس:
المشاركة الأصلية كتبت بواسطة ساحر القرن الأخير مشاهدة المشاركة
عزيزي حليم
الحرمان هو مصنع العظماء و الأقوياء
"من طفولتى وانا قلبى مثل الورده اريد فقط من يلمس اوراقها برفق"
ما هذا التعبير الشاعري البلاغي ؟ بل هذه قمة البلاغة والشاعرية
أحييك على رغبتك في التعري أمام الآخر بشكل كامل
لكنني لا أشجعك على هذا الأمر
ستحس باحساس مقيت بعد أن تجد أن الآخر لم يكن يستحق أن تتعرى أمامه
ثم ان أسرارك هي منبع قوتك وما يميزك عن الآخر ويجعل منك أنت ما أنت عليه
فاحفظها كجواهر في صندوقك الذي تفتحه بين الفينة والأخرى لتسترق نظرة اليها واحذر من أين يطلع عليها من يخدش لمعانها
أتفق مع كلامك في مجمله .. أحب أن أضيف فقط أنه أحيانا يكون التعري وسيلة ناجعة لكشف الجراح الغائرة من أجل معالجتها ..شريطة أن يكون المعني أمام أنظار طبيب متمرس ، أو وحيدا في أحد قمم الجبال ..
أعتقد أن صاحب الموضوع اختار الوحدة في تعريه .. أنصحه بعدم كشف هويته لأي أحد كان في هذا المنتدى وأن يكون مستعدا لتغيير حسابه في أي لحظة أصبح يحس فيها بالمضايقة من طرف أحد الأعضاء سواء كان ملحدا أو متدينا..




:: توقيعي ::: بيان الوليد : http://www.il7ad.org/vb/showthread.php?t=7638
الأجدر ألا يعلم الأعراب حدود الله لأنهم بفقرهم المادي و المعنوي قد يحرفون حدود الله عن سياقها و مغزاها ..
الأعراب أشد كفرا ونفاقا وأجدر ألا يعلموا حدود ما أنزل الله على رسوله والله عليم حكيم
  رد مع اقتباس
قديم 07-02-2016, 06:40 PM الحق غير متواجد حالياً   رقم الموضوع : [6]
الحق
الباحِثّين
الصورة الرمزية الحق
 

الحق is on a distinguished road
افتراضي

متابع



:: توقيعي ::: "Science is the great antidote to the poison of enthusiasm and superstition"
Adam Smith
  رد مع اقتباس
قديم 07-02-2016, 10:01 PM Talia غير متواجد حالياً   رقم الموضوع : [7]
Talia
عضو نشيط
الصورة الرمزية Talia
 

Talia is on a distinguished road
افتراضي

متابعة



:: توقيعي :::
وجهة نظري .. أنا ضد كل شيء يؤدي لقتل الناس وتدمير هذا الكوكب ..

-كل الذرات في أجسادنا سوف تنتشر في الفضاء نتيجة انحلال النظام الشمسي .. لتعيش للأبد على شكل طاقة أو كتلة .
هذا ما يجب تعليمه لأطفالنا وليس الخوف الناتج من حكايات الملائكة أو رؤية الجدة في الجنة .
"كارولين بوركو"

-قبل أن تتحدث معي عن دينك , دعني أراه في تعاملك مع الآخرين.
"كوري بوكر"

-إننا نخاف فقط ما نجهله، ولا يوجد ما يخيفنا على الاطلاق بعد أن نفهمه.
"ماري كوري"
  رد مع اقتباس
قديم 07-03-2016, 04:12 AM ابو مينا غير متواجد حالياً   رقم الموضوع : [8]
ابو مينا
الباحِثّين
الصورة الرمزية ابو مينا
 

ابو مينا is on a distinguished road
افتراضي

متابع و بشوق



  رد مع اقتباس
قديم 07-03-2016, 07:39 AM haleeim غير متواجد حالياً   رقم الموضوع : [9]
haleeim
عضو برونزي
الصورة الرمزية haleeim
 

haleeim is on a distinguished road
افتراضي

انتقلت الى المرحله الاعداديه وذهب كل الترفيه

كنت فى مراحل الدراسه الابيتدائيه ياخذنى الباص من امام البيت الى المدرسه

وياخذنى من المدرسه الى البيت لاااتكلف اى عناء او مجهود للذهاب

ولكن الان كبرت لازم تعتمد على نفسك وتوفر بعض المصاريف التى تدفع الى الباص

زى مااخوك كبر وبقى بيعتمد على نفسه وبيروح لوحده

وباالفعل بدات باالذهاب لوحدى ولكن ليس الى المدرسه

الى محطات القطار

اركب القطار يسافر بى لاااعلم الى اين ولكن يسافر بى الى ان اشعر اننى لابد من الرجوع لكى
اصل الى المنزل فى ميعاد خروجى من المدرسه

كنت قد بدات باالذهاب الى المدرسه فى اول الامر


لكننى لم اشعر بااى نوع من انواع الارتياح

فقدت اصدقاء الطفوله الذين كانوا معى فى الابتدائيه فى المدرسه الاولى

ولم استطع ان اكون اى اصدقاء جدد فى هذه المرحله

احسست باالاختلاف بينى وبين الجميع لم اشعر بااى مشاعر تجاه احد

والشعور الذى اصابنى باالسعاده عندما كنا نتبادل الضحكات وانا ونسمه

اختفى فى هذه المدرسه التى كلها اولاد وليس مسموح البنات يختلطوا باالاولاد فى هذه

المرحله
وضاع كل الامل فى ايجاد سعادتى ولذلك هربت من المدرسه

بحثا عن اى شى اخر اجد فيه ضالتى

فى هذه الاثناء كل مااعلمه عن الله فى هذه الاوقات صفر

لاااعلم اى شى غير انه يوجد شى اسمه الله خالقنا وخالق كل حاجه

وقال القراءن

كل مفهومى عن القراءن حينذاك ان دى ماده صعبه جدا مش عارف مين اللى اخذ الكوثر

ومين اللى صلى ونحر

ولكن عندما اعود لذاكرتى للوراء للمرحله الابتدائيه

اتذكر مدرس اللغه الدينيه عندما قرا سوره يوسف علينا اعجبنى جدا الحنان الذى يوجد قى القصه

ومع صغر سنى التسع سنوات فهمت كل الذى يقال

واعجبنى جدا لما اخوات يوسف صالحوا بعض فى الاخر وهو سامحهم
وادخلتنى القصه فى دراما جميله


وسالت المدرس حينذاك

هو ده كلام مين يااستاذ

قالى ده كلام ربنا

تمايلت مع افكارى وشردت ايقاعات عقلى مع القصه بكل احداثها

وقلت بينى وبين نفسى انا لازم اول مااخلص اجرى على البيت على ماما

اقرا تانى وتالت ورابع القصه دى عجبانى قوى قوى

وانطلقت بعد المدرسه وذهبت للمصحف واخذت اقراها وانا متكيف قوى ومزاجى عالى

حتى امى استغربت جدا مالك ياواد

ماسك المصحف طول اليوم كده انت لبسك عفريت ولا ايه


لا تعالى ياماما كده

هحيكلك اللى دار مع اخوه

يوسف وابوهم انا فاهمها تعال احكيهالك

وفضلت احكى

واجيب العيال اللى فى الشارع واحكيلهم والعيال فرحانه جدا باالحدوته

ومرت الايام

يااستاذ يااستاذ هو انت مش هتقولنا حكايه تانيه ربنا قايلها

كنوع من التغيير عايزين حاجه تانيه نفس الاكشن

انشغل بشرح منهج اللغه العربيه وكبر دماغه من ناحيتى

وبدات انا اقلب فى المصحف وابحث فى السور


مش فاهم حاجه ؟؟؟

نار وعذاب وشوى

انا مش فاهم حاجه ماكانت القصه ماشيه فى قالب درامى رومانسى جميل

مفيش ولا قصه تانيه احكيها للعيال

يعنى انزل الشارع اقول ليهم ادفعوا لى الزكاه

لحد مايرجمونى

مسكته سوره سوره من اول سوره لااخر سوره

وفشلت وخفت

ايه الكلام الغريب ده انا قرات كلام باالصدفه

وانا بدور على المتعه خوفنى

انا معتش فاتح الكلام ده تانى
وروحت لاااستاذ

يااستاذ

ايوه ياعمرو

هو يااستاذ اللى قايل يوسف واخوته

هو اللى قايل باقى الكلام الباقى ده

اه طبعا ليه

لصغر سنى خفت ولم اعلق

واغلقت الموضوع نهائيا

ومرت الايام

وننتقل مره اخرى الى ماكنا

فى القطارات

والمرحله الاعداديه

نسيت هذا الامر تماما ونسيت كل شى عن ماقراته

ولكن كنت دائما عندما اسمع يوسف واخوته يتحرك شى عميق بداخلى لاااعلم مصدره

وبدات باالقراءه فى روايات الجيب

وحل الالغاز الخ

وعندما ارجع باالقطار ظهرا ارجع الى البيت لااانام لاننى عندى درووس خصوصيه لابد
للذهاب لها ليلا

وكنت لابد من الذهاب اليها لان امى هى من كانت تذهب تدفع الاموال للمدرس الخصوصى
وتسال على دائما

اننى اشعر بوحده رهيبه مابين القطارات صباحا ومابين حفظ الدروس مساءا
لاااشعر بااى نوع من الحنان

حياه روتينيه
افتقد لااى لمسه جميله اى ضحكه مليئه باالحب اى حضن يحتوينى
لماذا هذه الام حياتها كلها عمرها لم تحتضنى

انا ولا اخى
لماذا تعاملنا بمثل هذه الطريقه

مواقف لاتنسى


نعود للوراء قليلا

خلاص ياامى معتش هعمل كده تانى


افتح بقك
خلاص ياماما اخوى شريف معتش هيعمل كده تانى
ادخل اوضتك ملكش دعوه انت

خلالالالالالاص ياماما افتح بقك لازم تبلع الشطه دى كلها فى بقك
اخذت ابكى وانا اشاهد اخى
الذى يكبرنى ببضع سنوات

رايتها تذهب لتضع سكين على فرن النار لكى تسخنها
لتمسك يده وتحرقها واخى يصرخ لالالالالالالالالالالا

والجيران يطلعوا فيه ايه كفايه ياام شريف الواد هيموت فى ايدك
محدش له دعوه بعيالى سيبونى اربيهم يالا بره

وانطردت الجيران وكطفل مذعور تسللت تحت السرير
وادركت ان العقوبه عقوبه الهيه عند اقتراف اى خطا فى هذا البيت

ومشيت جمب الحييط حاضر وطيب بدون اى مناقشه وبدون اى اعتراض
وكان الخوف يعترينى

وكنت انا المساعد لها مضطرا لااايمساك بااخى
وجاء يوم كانت طووول الليل ماسكه الخرطوم لاااخى وهاتك ياضرب فيه

ضرب لايستحمله شخص فى العشرينات
فما بالك بطفل فى العاشره من عمره

وفى تلك الاثناء واخى رافع ايده لفوق على الحيطه ورافع رجل ومنزل رجله الاخرى
واذا امى تنادينى

تعال اضرب اخاك على قفاه
انا
ايوه انت ماسمعتش

ليه ؟؟؟
اسمع الكلام وخلاص
طيب
وضربته

لم اسمع صوت الضربه
اضرب جامد عايزه صوت القفا يسمع الحيطان كلها
حاضر

ومرت مرحله الطفوله دائما على هذا الوضع
مره انا
مره اخوى


نرجع تانى للقطارات

هذه ذكرياتى اللى اسرح بها وانا جالس فى القطار

لم اكن مستمتع لاننى كنت خائف بعقوبه الامر لو امى عرفت

اننى لاااذهب الى المدرسه
ستكون العقوبه لاتذكر
فدائما كنت خائف

لكننى لاااحب المدرسه مش هيبقى سجن فى البيت وسجن فى المدرسه
مش طايق على هذه الحياه

سااقلب الصفحه لان هذه الصفحه انتهت تابعوا معى




  رد مع اقتباس
قديم 07-03-2016, 08:16 AM haleeim غير متواجد حالياً   رقم الموضوع : [10]
haleeim
عضو برونزي
الصورة الرمزية haleeim
 

haleeim is on a distinguished road
افتراضي

مازلت راكب القطار وتذهب الايام
واسرح بخيالى الى الوراء
مريم

تمشى بنت يقال الاولاد ونحن فى المرحله الابتدائيه انها مريم

شكلها غريب خطواتها غريبه دائما عليها علامات الخوف

وكان الاولاد يسخرون منها وعلى دينها
هههههههههههههههههههه مسيحيه

فيه ايه ياواد انت وهو انت بتضربها ليه

ماتسيبك منها
ياعم دى مسيحيه
ياعم سيبها لحالها
انت مالك بيها

هو فيه ايه ياعم عمرو انت بتدافع عنها كده ليه
ياعم انا مش بدافع عنها ولا حاجه
بس سيبها حالها حرام

حرام مين ياعم بنقولك مسيحيه
بقولك ايه يامريم اجرى وانا هعطلهم
وتجرى مريم

وانا احاول اعطلهم وتستمر الاحداث
مره يكبروا دماغهم وهى معديه ومره يزهقوها
وجاء يوم عدت من شارع كنت فيه لوحدى
ووقفت معاها نظرت الى شنطتها

شنطه كلها اهمال والكتب والكراس يظهروا من جانب الشنطه لان الشنطه مقطوعه
نظرت بعينى وجدت كتاب مكتوب عليه مريم او المسيح حاجه زى كده
فعرفت انه كتاب مسيحى

اثارنى فضولى لااامسكه
اول مره اشوف حاجه زى كده
مريم ممكن اخذ الكتاب ده عايز اشوف فيه ايه

اعطته لى
وانطلقت كطفل فرحان كاننى فتحت عكا
لاننى سوف اقرا شى لم يطلع عليه احد من اصدقائى ابدا من قبل
وذهبت للبيت

لم افهم اى شى
المسيح ومريم وكلام غريب كده
مش فاهم معانيه
وتناسيت الامر كطفل عموما

واخذت الكتاب معى تانى يوم الى المدرسه
جلست فى الفصل بجانب صديقى
انا النهارده جايبلك اول مره حاجه تشوفها

هوريهالك لما ننزل فى الفسحه
وجاءت الفسحه
وفتحت شنطتى وبكل فضول نظرت الى عينيه لكى اشاهد رده فعله

بص جايبلك ايه وايه معاى النهارده
ايه ورينى كده ؟؟
ايه ده ؟؟
ده كتاب المسيحييين

يخربيتك ياعمرو
جبته منين ده
اخذته من مريم ايه رايك
سابنى الواد وجرى
وقفت مستغرب من رده فعله هو الواد العبيط ده جرى ليه
خلصنا الفسحه وطلعت الفصل
لاقيت الواد سايب الكرسى جمبى وقاعد وراء

قمت قاعد على الكرسى بتاعى لوحدى
ودخل الاستاذ
واخذ يشرح المنهج
وبدات من طرف عينى اشعر باان الاولاد كلهم ينظرون لى بنظرات ريبه

وانتهى اليوم وخرجنا من المدرسه
وجدت الاولاد كلهم يلتفون حولى
ايه اللى معاك ياعمرو فى الشنطه ده

ايه اللى معاى ازاى يعنى مش فاهم ؟؟؟
لا انت فاهم وبتستعبط
انت معاك كتاب المسيحيين
صح
اه صح ايه المشكله
انت تعرف ان انت كده كفرت

كفرت مين ياواد ياابن التيت انت وهو انتم هتكفرونى
لا انت كده كافر طالما مسكت الكتاب ده فى ايديك تبقى انت كده كافر

الله يخربيتكم ...يابنى انت وهو انا مش قصدى حاجه
انا بس حبيت اعرف هو فيه ايه بس مش اكتر
طيب هات الكتاب نقطعه

لا طبعا ده بتاع مريم ولازم اعطيه ليها
حاجه مش بتاعى اقطعه ازاى

خلاص ياعمرو انت كده كده خلاص بقيت كافر
روح بقى سمى نفسك مايكل ولا اسحاق
ومعتش تلعب معانا خالص

ولا تقعد معانا
لاننا احنا مبنقعدش مع كفار
وسابونى لوحدى فى موقف طفولى لايحسد عليه
لم ارى كل هذه الابعاد التى وضعت نفسى بها
ذهبت الى البيت وانا ابكى

امى حسبتنى اننى تعبان ولم اذهب الى المدرسه لمده يومين
وفى اليوم الثالث
ذهبت للمدرسه مبكرا

وذهبت الى مكان بجانب المدرسه بعيدا شويه وحفرت حفره صغيره ودفنت الكتاب
وقلت اقول لمريم الكتاب ضاع منى وخلاص وتسامحنى بقى وخلاص
بس اخلص من هذا الامر

لاتحتمل عقليتى غضب كل هذه الاطفال على
ودخلت المدرسه بعد دفنى للكتاب
ولم اتكلم مع احد

وانتظر رد فعل الاولاد بعد مشاهدتى ثانيا وماذا ستؤؤل الامور
سنتابع الموضوع بعد قلب هذه الصفحه
تابعوا معى




  رد مع اقتباس
إضافة رد

مواقع النشر (المفضلة)

الكلمات الدليلية (Tags)
اليوم, اقرا, بنفسك, حسيبا, كتابك, كفى, عليك


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
اسلوب عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ما هو كتابك المفضل مجرد بشر ساحة الكتب 76 07-12-2021 09:39 PM
ليس عليك ان تثبت وجود الاله .... عليك فقط تقليد القران !! ملحد v0.3 العقيدة الاسلامية ☪ 201 08-22-2018 02:19 AM
أيها المسلم كتابك هرم. Lilith1988 العقيدة الاسلامية ☪ 31 02-14-2017 10:53 PM
رأي امريكي للبيت الابيض: كفى وهما بالعراق وبقادة فاشلين.. انهوا الامر ابن دجلة الخير ســاحـــة السـيـاســة ▩ 0 05-07-2016 11:08 AM
ما يدهشني عندما اقرا القران بنت الحقيقة العقيدة الاسلامية ☪ 27 06-12-2014 01:38 AM