حكايتى مع مواليد 2000 فاكثر - بقلم صديقى جدو سامى

[ديانا أحمد]

حكايتى مع مواليد 2000 فاكثر

بقلم صديقى جدو سامى

من خبرتى المتواضعة كواحد عازب متجوزش ابدا من مواليد اول التمانينات .. الشباب والاولاد اللى من مواليد 2000 فاكثر يعنى 2004 و 2005 الخ اللى دلوقتى ف سن المراهقة او الشباب المبكر .. ومن تعاملاتى معاهم هنا عالفيس وف منتدى نسوانجى الجديد .. اقدر احلل ببساطة شوية من صفاتهم السيئة للاسف ..

1- مبيحترموش الاكبر منهم سنا .

2- بيسخروا من الاكبر منهم بتسميته يا حاج وما شابه .. يعنى عايز يقولك انت سلمت نمر خلاص وبتخرف وملكش كلام معايا

3- مبيفهموش عربى فصيح .. يقولك كلمنى عامية عشان افهمك

4- انا معرفش بيعملوا ايه مع اباءهم اللى ممكن يكونوا من سنى او اكبر شوية .. هل بيعملوا كده ولا لا

5- متعصبين دينيا جدا سواء مسلمين او مسيحيين او ملحدين او قوميين وطنيين مصريين

6- من السهل انه يشتمك او يعلق بشتايم واهانات عند اى اختلاف ف الراى او حتى لمجرد انه مش عاجبه اللى انت كاتبه

7- كتير منهم مرتشين وماجورين وممكن يعملوا اى حاجة عشان الفلوس

8- تافهين جدا بيكرهوا قراءة حتى المقال الطويل شوية سطحيين جدا ولا ثقافة ولا نيلة ويلومك انت اصلا على كتابة مقال .. عايزين كلمتين تيكاواى مش متاسسين ثقافيا واتعودوا ع الريلز والهجص ده

9- ذكوريين جدا ريفيين جدا صعايدة جدا بدو جدا وبيقدسوا البكارة والعذرية وموقفهم سلفى واخوانى جدا من المطربات والممثلات والراقصات ومن فترة العلمانية فى مصر الستينات والسبعينات والخمسينات

10- عايزين يرجعونا لعصر الطرابيش والملكية بغباوة غريبة

11- مش عايزين يتعلموا ولا يتثقفوا ولا ياخدوا بنصيحة ولا يقرأوا كويس ويبحثوا كويس

نتيجة ده ايه بقى .. نتيجته ان اللى زيى من مواليد التمانينات او من اى سن وبيلاقى الاوضاع الجديدة دى وقلة الادب والوقاحة .. اننا بنحس بالغربة والاغتراب وبنحس اننا دورنا انتهى والزمن بقى ورانا وادانا ضهره.. وبنخاف كمان على مستقبل البلد بشكل عام من اشكال زى دى

طبعا ممكن تقولى انت كده بتعمم وتعمل تعميم والتعميم غلط.. اكيد التعميم دايما غلط.. بس ده اللى قابلته وشفته.. واذا كان فيه من مواليد 2000 فاكثر ناس محترمة غير الاشكال دى فخير وبركة هو انا اكره يعنى ؟!!